Angel-Marian may project (Sabong News)
Author
Ryan Mark
Date
AUGUST 25 2013
CEBU, Philippines - Nagsagol ang reaction sa mga fans nila ni Angel Locsin ug Marian Rivera human namantala sa PEP ang hulagway nilang duruha nga nag-pictorial adtong milabay nga Huwebes sa gabii, para matud pa sa usa ka proyekto. Adunay nagsige gihapon og sabong sa duruha, apan mas daghan hinuon ang nalipay.
Naka-shooting na si direk Elwood Perez sa iyang comeback movie human sa 10 ka tuig. Kini mao ang “Trophy Wife†starring Derek Ramsay, Heart Evangelista, Christine Reyes ug John Estrada para sa Viva Films. Katapusang pelikula ni Perez ang “Lupi†ug “Sshh…She Walks by the Night.â€
‘Titanium†ang gikanta ni Anne Curtis atol sa pagpaila kaniya isip labing bag-ong brand ambassadress sa usa ka clothing apparel sa milabay nga gabii. Gitakdang mag-concert sa Amerika si Anne kauban ni Martin Nievera, diin tipik sa kita ihinabang sa mga biktima sa bagyong Maring didto sa Luzon.
Kever si Ynez Veneracion sa mga himantayon nga nagduda diin niya gikuha ang kwarta nga iyang gibayad sa iyang bag-ong balay nga nagkantidad og P12 million. Suma pa ni Ynez sa interview sa Startalk kagahapon, wala na siya’y mahimo kun may mga nangasuya ug natural lamang matud pa ang maong mga intriga kay sexy star man siya. Apan iyang gipaniguro nga bunga ang iyang balay sa iyang paningkamot.
Gitug-an sa Japanese Hollywood star nga si Yuki Matsuzaki ngadto sa Startalk kagahapon nga pito ka higayon siya nga mitan-aw sa pelikulang “Ang Babae Sa Septic Tank†starring Eugene Domingo gumikan kay nalingaw kaayo siya niini. Hinungdan nga mi-audition gayud siya para sa pelikula nga “Instant Mommy†isip leading man ni Eugene gumikan kay buot gayud niya kining makatrabaho sanglit kumbinsido siya sa abilidad sa pag-arte niini. Ang Instant Mommy starring Eugene ug Yuki, isalida na karong August 28.
Gibutyag ni Kristine Hermosa nga dugay na siya nga nagpanikad nga mahibalik sa showbiz apan wala pay proyekto nga haom para niya ang miabot sa iyang mga kamot. Buot niya nga dili heavy drama ang iyang himuon sanglit mao na matud pa kini ang iyang gihimo sa mga katuigan niya sa showbiz. Makaluya matud pa ang heavy drama.
Human sa iyang pelikulang “The Bride and The Lover,†dili na dayunon ni Hayden Kho Jr. ang duha pa unta ka mga pelikula nga una nang nabalita gumikan kay inanay na niya nga nasabtan nga dili siya haom sa showbiz, human usab nagkalalom ang iyang pagtuo sa Ginoo, pinaagi sa Christian theology nga naila isip Apologetics. Sa posibilidad nga mamahimo siyang pastor, nagkanayon ang kanhi doctor nga ang Ginoo ra matud pa maoy magbuot asa siya dad-on ug ipahimutang niining kalibutana.
Nanghinaot ang Sugbuanong si Ellen Adarna nga human unta mapasalida ang iyang launching movie nga “Ang Tag-Araw Ni Twinkle†ubos sa direksyon sa banggiitang si Gil Portes Jr., muarangkada na ang iyang estado sa showbiz ug ilhon na siya isip aktres. Positibo ang feedback ni Portes kang Adarna kinsa namahayag nga haom gayud matud pa si Ellen isip Twinkle.
Nagmugna og kaugalingon niyang titulo si Eugene Domingo: Shooting Star. Pasabot pa niya, haom siya niining maong titulo sanglit ganahan man kaayo siya nga magsige og shooting og pelikula, kay lain-lain matud pa nga mga directors iyang makatrabaho, lain-lain nga mga istorya ug role ang iyang mahimo.
Gibandera ni Bianca Manalo ang hulagway niya ug sa iyang uyab nga si Ryan Ordonez kagahapon sa iyang instagram account. Daghan ang nalipay nga mga higala ug followers sa kanhi Bb. Pilipinas Universe sa nakita nila nga hulagway.
Aleng Maliit na gyud!
Dili na gayud mapugngan ug malimod nga si Ryzza Mae Dizon ang labing sikat nga bata sa Philippine showbiz pagkakaron. Puwes, siya maoy pambato sa YES September issue, diin gisubay ang gigikanan ni Aleng Maliit, ang iyang mga paningkamot hangtud nga miabot siya karon sa iyang nahimutangan sa Philippine television.
“Pag kinausap mo siya kahit na sandali, nakakasagot siya kaagad. Alam niya kaagad kung ano’ng isasagot sa ’yo. Alam niya kung ano’ng sasabihin,†tipik sa pamahayag sa inahan ni
Giangkon ni 2013 Miss World Philippines Megan Young sa Startalk kaganiha nga 13-anyos pa lamang siya dihang nangandoy siya nga mamahimong beauty queen. Niadtong panahona misalmot ug nahimo siyang second runner-up sa Ms. SBMA 2003 sa Subic. Mapasigarbuhon matud pa siya nga nahimo siyang runner-up sanglit siya maoy labing bata ug wala gayud matud pay alamag kabahin og pageant. Gibutyag pud niya nga pagsalmot niya sa Starstuck kaniadto sa GMA-7 daghan na ang nagdasig kaniya nga musalmot og national pageant apan wala siya niuyon gumikan kay sayud siya nga dili pa siya hinog ug dili pa kadto ang tukmang panahon sanglit wala pa siyay kasinatian nga sarang magamit niya sa indigay sa kaanyag. Gibutyag pud niya nga dili matud pa niya i-pressure ang iyang kaugalingon sa international pageant didto sa Indonesia. Buhaton matud pa niya ang tanan, apan dili niya kalimtan ang mag-enjoy pud sa samang higayon. September 3 gitakda nga mularga si Megan paingon sa Indonesia.
