Maayong balita (Sabong News)
Author
Gerry Auxilio
Date
OCTOBER 20 2020
Gitugotan na sa Inter-Agency Task Force (IATF) ang mga 15 hangtod 65 anyos nga makagawas na sa ilang pinuy-anan. Gitugotan na usab sa IATF ang mga sabongero nga makapahigayon na og sabong.
Gawas ning ato nang nahisgotan, gitugotan na usab sa IATF nga maka-fully operate na sa ilang negosyo ang mga negosyante og dagkong tindahan.
Pero adunay dakong apan kining mga maayong balita nga atong gihisgotan tungod kay ang mga pangulo sa mga lokal nga kagamhanan gihatagan og katungod sa pagdesider kun ilaha ba nga tugotan nga makagawas ang mga 15 hangtod 65 anyos nga makagawas ingon man ang sabong sa ilang mga dapit.
Busa maingon nato nga dili kaayo maayo kining maong mga balita ngadto sa uban, ilabi na sa mga sabongero nga gusto na gyod nga makapanabong tungod kay aduna pa may purohan nga dili itugot ang sabong sa usa ka lokal nga kagamhanan.
Kun ako lang, dili pa gyod ko uyon nga itugot ang sabong tungod kay lisod kaayo ning maong matang sa kalingawan nga mapatuman ang social distancing.
Seguro mapatuman ang ang uban nga health protocols sama sa pagpanghunaw ug pagkuha sa body temperature apan ang social distancing dili.
Ang mga nagpursige nga wagtangon na ang mga stado sa kuwarantenas aduna gyod pod mga balido nga rason sama sa kagawasan sa mga minor de edad ug mga tiguwang, pagpabangon sa ekonomiya ug uban pa apan kining tanan kun buot huna-hunaon dili makatumbas sa ka bilihon sa kinabuhi sa tawo. K
ay mag-unsa man ang mibangon nga ekonomiya kun ang tawo patay na. Mag-unsa man ang kagawasan sa mga minor de edad ug mga tiguwang kun patay na sila.
Dili gyod unta ta mokumpiyansa ug agwantahon na lang hangtod nga mawala na sa hingpit ang COVID-19. Kun sa tinamban nga pagsabot, nganong dili na man lang ta makapaabot nga mawagtang na sa hingpit ang pandemic nga nakaagwanta man gani ta sa milabayng pito ka buwan.
