Gretchen, mahusay nang humawak ng manok! (Sabong News)

Ang galing nang humawak ng manok ni Gretchen Barretto. Sa kanyang Instagram stories, naghahabol siya ng manok habang kinakanta-kantahan pa niya. Saka ang dami pala nilang mga panabong na manok sa farm. Very proud si La Greta sa pagiging sabungera na ang madalas kasama ay ang kilalang negosyanteng si Atong Ang. At sa tuwing nagsasabong at nagbibitiw ng manok, andun pa rin ang pagiging glamorosa. Parang ‘di intentional na mag-OOTD pero glamour pa siya lalo na nga super sexy pa rin ang inactive actess sa mga TikTok video ina-upload ng kasama nila sa mga sabong event. Binanggit niya sa nasabing video na nauna nang umalis ang kanyang ‘dada’ na si Mr. Tony Boy Cojuangco pero ‘di ito nakita sa mga video niyang ini-upload. Kilala itong lady tiger. Sayang noh kahit pandemic parang hindi masyadong gumagana ang creative juiciness / ideas ng local TV writers. Parang majority kasi ng malalaking movie and TV project, remake ng Korean series and movies. Remake ang movie na pagtatambalan nina Alden Richards and Bea Alonzo ng 2006 Korean film na A Moment To Remember. Hindi pa sila nag-uumpisang mag-shooting dahil may chikang hihintayin muna nilang magbukas ang mga sinehan bago simulan ito para sure na sa mga sinehan ito mapanood. May remake rin sa ABS-CBN ng Doctor Foster na isang British drama na may South Korean version na The World of the Married. Starring dito sina Jodi Sta. Maria, Zanjo Marrudo and Sue Ramirez. Malapit na itong ipalabas. May gagawin din si Yassi Pressman na remake ng Korean movie na More Than Blue na may schedule na raw ang shooting. At ang first team-up nina Piolo Pascual and Lovi Poe, remake rin ng Korean thriller drama na Flower of Evil. Pumatok ang Flower of Evil sa South Korea nang ipalabas ito noong 2020 sa tvN dahil sa mga kapana-panabik na twists at nakakabilib na performances ng cast. Nauubusan na kaya ng new ideas ang ibang writer natin para mag-remake na lang ang malalaking artista ng mga Korean film and teleserye? O talagang ganun na kalakas ang impluwensiya ng Koreans sa buhay ng mga Pilipino kaya tanggap na natin at may assurance na kikita ‘pag remake ng Koreans.