Kapin P2 milyong shabu nasakmit (Sabong News)
Author
Rowena Capistrano
Date
SEPTEMBER 14 2021
CEBU, Philippines — Niabot kapin sa ka milyonka pesos nga gidudahang shabu ang nasakmit sa kapulisan sa dakbayan sa Sugbo atol sa ilang gipahigayon nga Simultaneous Anti-Criminality Law Enforcement Operation (SACLEO) niadtong adlaw nga Sabado Septiyembre 11, 2021.
Si Police Lieutenant Colonel Wilbert Parilla, Deputy Director for Operations nga nahinabi sa mga tigbalita miingon nga 36 ka anti-illegal drug operations ang ilang gihimo ug 39 ang nadakpan ug unom nila mga high value individuals.
Sumala pa ni Parilla,196.92 gramos nga ginadiling drugas nga ilang nasakmit nga mokantidad og P1.3 milyon.
Gibutyag ni Parilla, nakahimo usab sila ug 38 ka operations batok sa illegal nga sugal, diin 73 ang nadakpan sa Swertres, Hantak ug Sabong.
Sa pikas bahin, P680 mil nga kantidad sa gituohang shabu ang nasakmit sa follow up operation sa mga sakop sa Lapu-Lapu City Police Office Drug Enforcement Unit (LCP0 DEU) sa Barangay Cogon Ramos, Dakbayan sa Sugbo.
Si Police Lieutenant Noah Añana, deputy chief sa LCPO/DUE) miila sa nadakpan nga mao si Jiemar Solon, 28.
Si Añana miingon nga ang gagmay nga putos sa Cebu City tag P200 apan P300 ngadto sa P400 kun sa Mandaue o Lapu-Lapu kini ibaligya.
Samtang nadakpan usab sa joint buy bust operation sa kapolisan Provincial Drug Enforcement Unit sa Cebu Provincial Police Office (PDEU/ CPPO) ug Compostela Police Station pinangulohan ni Police Lieutenant Colonel Jeorge Francis Rodrin si Jonas Limoran Maranga, 40, taga Upper Maracas, Barangay Lahug sa Dakbayan sa Sugbo.
Laing nadakpan mao silang Rodrin sa Barangay Cotcot sa Lungsod sa Liloan mao sila si Aljie Acaso, 19, Francis Pamillar, 18, ug Shawn Castro Roflo, 25, nga nakuhaan og mokabat sa P63 mil nga kantidad sa shabu.—
