CEBU, Philippines — Walo ka mga sugarol nga naglakip sa senior citizen ang nadakpan sa kapolisan dihang ilang gironda ang kapin sa 50 ka tawo nga nagtigbakay sa Barangay Siete sa Lungsod sa Tuburan Huwebes sa hapon.Si Police Master Sergeant Orland Condez sa Tuburan Police Station miingon nga nabungkag sa pagpanagan ang nagtapok nga mga sugarol apan walo lamang kanila ang ilang nadakpan.Giila ang mga nadakpan nga sila si Marlo Novecio, 23 ug igsoon niini nga si Aldrin Novecio, 29 anyos nga pulos nagpuyo sa maong dapit.Lakip sa nadakpan mao sila si Renelito Medequello, 53, Isidro Magpayo. Cyril Sampala, 19, Pablo Rovas, 44 nga taga Dakbayan sa Toledo, Ryan Sarsalejo, 24anyos ug ang senior citizen nga si Nilo Gonzales Jr., 66 anyos.Matud pa ni Condez nga nakadawat sila og tahu gikan sa mga molopyo sa maong dapit kalabot sa maong illegal nga kalihukan. Nasakmit sa maong operasyon ang duha ka manok nga gituohang bihag nga patay na og ang P400.00 nga salapi nga gituhuang pusta sa sabong. (BANAT NEWS)
