HINDI magiging sagabal ang pagbabalik ng e-sabong ng gambling lord na si Charlie “Atong” Ang sa pag-imbestiga ng kaso ng 34 missing sabungeros, ayon kay CIDG director Maj. Gen. Ronald Lee. Sa katunayan, nakaamba na itong mga imbestigador ni Lee na magsampa ng kaso laban sa mga pulis at ilan pang suspects sa pagdukot ng mga sabungeros sa sabungan ni Ang.Hinihintay din ni Lee ang desisyon ni President Bongbong Marcos sa pag-comeback ng e-sabong na sa ngayon ang tayaan, ayon sa permit nila sa Games ang Amusement Board (GAB) ay sa Off-Cock Betting Stations (OCBS) at wala na sa celfone. Subalit alam n’yo naman si Ang mga kosa, maraming gimik sa katawan ‘yan. Kaya tiyak palulusutan niya itong permit ng GAB, di ba mga kosa? Dipugaaaaa!Ayon kay Lee, may malakas silang ebidensiya laban sa mga pulis at ilan pang kalalakihan na dumukot sa mga sabungeros. Hindi muna pinangalanan ni Lee ang mga suspects habang hindi pa nai-file sa korte ang kaso. Hindi binanggit ni Lee kung kailan iaakyat sa korte ang mga kaso laban sa mga pulis at iba pang suspect subalit idiniin niya na handa na ang Special Investigation Task Group (SITG) na isampa ito anumang oras. Eh di wow! Anong sey n’yo mga kosa?Samantala, nalungkot naman ang mga kamag-anak ng 34 missing sabungeros sa pagbabalik ng e-sabong ni Ang. Masakit sa kalooban ng mga asawa’t anak at kamag-anak ng missing sabungeros at mukhang bola-bola kamatis lang ang binitiwang salita ni BBM na hindi niya papayagan ang pagbabalik ng palaro na ito hanggang may makulong sa kaso. Kung si ex-President Digong ay kaagarang isinara ang e-sabong ni Ang kahit bilyones ang iniakyat nito sa gobyerno, abaaaa mukhang nag-iba ang ihip ng hangin dito kay BBM, di ba mga kosa?Habang lumalarga ang e-sabong ni Ang sa mga sabungan sa buong bansa, parang sinampal itong pamilya ng missing sabungeros. Umaasa pa rin sila na tuparin ni BBM ang pangako n’ya na tuldukan ito. Araguuyyyyy!Kung sabagay, maraming sinirang buhay ng mga Pinoy, lalo na ang mga OFW, ang e-sabong kaya maraming pulitiko ang lumutang para isusog ang pagpasara dito. Hanggang sa ngayon, may mga gabing hindi makakatulog ang pamilya ng missing sabungeros at karamihan sa kanila ay umaasa na buhay pa sila.Sa pagbubukas na muli ng e-sabong ni Ang, ang isa sa mga natuwa ay ang actress na si Gretchen Barretto na kasosyo umano ng una sa negosyo niya. Walastik! Happy days are here again para kay Gretchen, di ba mga kosa? Ang tanong, tatahimik lang ba o magbubulag-bulagan ang mga senador nating makikisig? Abaaa, ibig ba sabihin nito ay uubra o nabola na ni Ang si BBM? Anyare, Sen. Bato de la Rosa Sir at Ma’m Imee Marcos? Ang ingay n’yo sa kasagsagan ng kaso ng 34 missing sabungeros subalit sa ngayon sobrang tahimik n’yo ah? Dipugaaaaa!Ang mga bagitong senador kaya, lalo na si Mr. Expose Sen. Raffy Tulfo, hindi rin pabor sa pagbabalik ng e-sabong ni Ang? Abangan!
