Guidelines pagbukas sa mga buwangan umolon (Sabong News)
Author
Sanden J. Anadia
Date
OCTOBER 21 2020
CEBU, Philippines — Gitahasan na ni Cebu City Mayor Edgar Labella si Konsehal Raymond Alvin Garcia nga mogama og guidelines alang sa pagbalik sa operasyon sa lisensyadong mga buwangan sa siyudad human nga ang Inter Agency Task Force mipahibalo mamahimo na silang makabalik sa operasyon.
Si Garcia kinsa nangulo sa Cebu City Gamefowl Commission maong siyay gitahasan sa mayor aron masiguro ang hugot nga pagpatuman sa health protocols.
Apan kun sa Cebu City duna nay kahayag para sa mga sabungero, sa silingang siyudad niini sa habagatan nga mao ang Dakbayan sa Talisay dakpon pa gihapon ang magpahigayon og sabong sa Dakbayan sa Talisay.
Si Police Major Gerard Ace Pelare, pangu sa Talisay City Police Station nibutyag nga wa pa siya makadawat og kamandoan bahin niini maong magpadayon ang ilang pagpanakop.
Ang siyudad adunay duha ka buwangan apan pabilin pa sab nga wa pa mag operate. Si Pelare nipasabot nga sa gihapon gidili gihapon ang tigbakay.
