MANILA, Philippines — Apat na aktibong pulis at isang sibilyan ang inaresto ng bagong tatag na PNP-Integrity Monitoring and Enforcement Group (PNP-IMEG) matapos na maaktuhang umiinom sa isang pampublikong lugar at e-sabong o ang online cockfighting sa isinagawang operasyon sa Cubao, Quezon City nitong Miyerkules ng gabi.Kinilala ang mga naaresto na sina P/Senior Master Sergeant Gerry Ocampo, nakatalaga sa PNP Crime Laboratory; Senior Master Sergeant Demetrio Laroya, Staff Sergeant Erwin Gobis at Corporal Ariel Pasion; pawang ng PNP Health Service at ang sibilyang empleyado na si Leo Ocinar na nagtatratrabaho naman sa Directorate for Personnel Records and Management sa Camp Crame.Arestado rin sa operasyon ang dating pulis na si Fidel Agustin, na kasalukuyang nilalakad na mare-instate o makabalik siyang muli sa serbisyo at Teddy Carpio, owner ng establisyemento sa online game.Bandang alas-7 ng gabi, nang maaresto ang nasabing mga pulis nang maaktuhan ang mga itong nag-iinuman sa isang restaurant at bukod dito ay tumataya pa sa e-sabong sa operasyon sa Brgy. Bagong Lipunan ng lungsod.Ang PNP-IMEG, dating PNP Counter-Intelligence Task Force (PNP-CITF) ay itinatag upang tutukan ang mga scalawags sa hanay ng kapulisan.Nabatid na ang operasyon ay inilunsad matapos na makatanggap ng report ang PNP-IMEG hinggil sa pagkakasangkot ng mga tiwaling parak sa online betting at madalas na pag-iinuman sa nasabing establisyimento.
Article review (Sabong News)
NEVER SHARE YOUR OTP OR USE IT IN ANY LINK! You are about to send PHP 100.00 to FLOCERFINA UNTARAN's GCash number, 09953309389. To proceed, your OTP is 537789.