2 ka adlaw nga Local holiday gideklarar sa Dalaguete (Sabong News)
Author
Le Phyllis F. Antojado
Date
FEBRUARY 04 2022
CEBU, Philippines — Gidkelarar nga local holiday sa lokal nga kagamhanan sa lungsod sa Dalaguete ang Pebrero 9 ug 10, 2022. Kini gumikan kay nianang adlawa saulogon sa Dalaguete ang Founding Anniversary niini pagka lungsod sa Pebrero 9 ug Annual Fiesta Celebration sa petsa 10.
Sa Executive Order nga giluwatan ni Mayor Jeffery Belciña ang opisina sa Municipal Government sa Dalaguete, temporary usa nga suspendido gawas sa mga frontline services sama sa emergency, health services ug peace and order.
Subay niini ang mga residente sa lungsod kinahanglan mo obserbar sa gipatuman nga curfew hours sugod alas 12 sa tungang gabii hangtud sa alas 4 sa buntag nga nag sugod niadtong Enero 31, 2022 hangtud Pebrero 10, 2022.
Ang curfew hours hinoon sa mga minored edad 17 anyos paubos magsugod alas 10 sa gabii hangtud sa alas 5 sa buntag pagka ugma sugod Pebrero 1, 2022 hangtud sa mosunod pahibalo sa lungsod kon kanus-a kini libkason.
Ug tungod kay ang Dalaguete sakop man sa Probinsya sa Sugbo nga karon ubos pa gihapon sa Alert Level 3 risk classification sa COVID-19, ang LGU nagkanayon nga mosunod lang gihapon sa guideline nga gitakda sa IATF sa mga lugar nga gipaubos sa risk classification sama sa pagbawal sa contact sports gawas sa mga gipahigayon ubos sa bubble-type setup; casinos, sabong, ug uban.
Ipatuman usab ang 30% nga indoor venue capacity alang sa mga fully vaccinated nga mga indibidwal o 50% sa outdoor venue capacity sa mga establisamento. —
