7 nag-sabong wa kasibat (Sabong News)
PITO ka mga sugarol og sabong ang gipang-priso sa San Pedro Police Station human naaktuhan sa mga pulis nga nagsugal sa online sabong nga anaa sa peso net machine.
Usa ka joint operation sa Davao City Police Office ang gilusad sa awtoridad nga misangko sa pagkasikop sa pito ka mga indibiduwal didto sa Calachuchi Bucana, Barangay 76-A, Davao City niadtong gabii sa Agosto 27, 2021.
Ang mga nahisgutan sagad mga traysikad drayber kinsa wala kabalo nga nagsingabot na ang mga pulis hinungdan nga wa na sila nasibat.
Nakumpiska sa posisyon sa mga dinakpan ang P2,100 nga ilang pusta ug ang computer set sa peso net machine.
Gipangkasohan na ang mga dinakpan sa korte sa paglapas sa Presidential Decree 1602 kun Online Cockfighting.