Ano ang mga bisyo ng tao? (Sabong News)
Author
MD
Date
AUGUST 03 2014
IBA’T IBANG tao ay may kanya-kanyang hilig. Maraming klase ang “addict” na Pinoy.
Droga - Mayroong 3.4 milyong gumagamit ng droga sa Pilipinas. Laganap talaga ang problemang ito sa bansa natin. Bakit ba nawiwili dito? Tumataas kasi ang kemikal na dopamine sa utak ng mga alcoholic at drug addict. Ito ay nakapagbibigay ng panandaliang sarap o “high.” Masama ang droga at huwag nang subukan ito.
Alak - 8% ng populasyon ay alcoholic. Ang ibig sabihin ay hindi nila mapigilan ang pag-inom ng alak. Alam n’yo ba na ang alak ay hindi talaga nagpapasaya, at sa katunayan ay nakapagdudulot pa ng depression.
Pagkain – Ayon sa pagsusuri, 15% ng mga tao ay addict sa pagkain. Oo, di biro iyan. Ang Bulimia ay isang sakit ng sobrang pagkain, pagkatapos ay isinusuka nila.
Sigarilyo – Sa Pilipinas, 47% ng kalalakihan ay naninigarilyo, at 16% ng kababaihan ay nagyoyosi rin. Pero ang masaklap dito ay 33% ng ating kabataan ay naninigarilyo na pagdating ng edad 14. Masama po ang manigarilyo. Gawin ang lahat para maihinto ito.
Sugal – Base sa pag-aaral, 1% ng mga tao ay addict ay sugal. Sa tingin ko, mas mataas ang bilang ng mga addict sa sugal. Isasali pa ba natin ang mga addict sa lotto, tong-its at sabong?
Kape – Umaabot sa 80% ng populasyon ang malakas uminom ng kape. Nakaka-addict kasi ang caffeine. Babala lang: Ang caffeine ay nagpapabilis ng tibok ng puso at nagpapataas ng presyon ng dugo. Kaya hinay-hinay lang sa pag-inom.
Shopping – Kung ang siyota o misis ay addict sa shopping, patay kang bata ka. Window shopping na lang, ok pa.
Internet – Iyan ang bagong kinahihiligan ng kabataan. Addict sa chat. Addict sa Friendster.
Sex – Huli sa lahat, mayroong ding addict sa sex. Ang kailangan nila ay sex therapist o psychiatrist.
Kung ang pagiging “addict” ng isang tao ay nakasisira sa kanyang trabaho o pagtulog, dapat nang magpatingin sa doktor. Ano ang solusyon sa mga addict? Magkaroon ng tamang pananaw sa buhay. Maging abala sa mabubuting adhikain. Kadalasan ay ikaw din ang makalulutas ng iyong problema. Good luck!
