Sabungero sinapak ng pulis-Crame (Sabong News)
Author
Ludy Bermudo
Date
JUNE 03 2014
MANILA, Philippines - Nalalagay sa balag ng alanganing masibak sa puwesto ang beteranong pulis na nakatalaga sa Camp Crame makaraang ireklamo ng 69-anyos na sabungero ng pananapak sa tupadahan sa Port Area, Maynila, kamaÂkalawa ng hapon.
Sa salaysay sa Manila Police District-General Assignment Section ng biktimang si Ricardo Buquel Y Sedano ng #149 –B 1 Gasangan, Baseco Compound, Port Area, halos bumaon na ang suot niyang eyeglass nang sapakin ng suspek na si SPO1 Gabriel Pacsa na nakatalaga sa Highway Patrol Group sa Camp Crame sa Quezon City at kapitbahay ng biktima.
Base sa police report, naganap ang insidente bandang alas-12:20 ng hapon habang abala ang biktima sa panonood ng sabong nang biglang tumalon mula sa bakod ang suspek dahil upang matakpan nito ang panonood ng biktima.
Gayon pa man, hinawi ng biktima at pinatatabi dahil hindi niya makita ang sabong subalit hindi pinansin ng suspek at nang matapos ang sabong ay biglang hinarap nito ang matanda sabay sapak.
