Super Tekla tuma-timing para makahingi ng tawad kay Willie (Sabong News)

Hindi naiwasang mapag-usapan si Willie Revillame sa media­con ng pelikulang Kiko en Lala na ginanap sa GMA 7 kahapon. Siyempre, si Super Tekla ang bida at puspusan na ang promo niya ngayon. Kaya natanong namin kung posible kayang makapag-promote siya kay Willie Revillame? Medyo nangingilid nga ang luha niya nang tanungin na namin sa kanya ang tungkol kay Kuya Wil niya. Hindi naman niya itinatangging malaki ang utang na loob niya sa Wowowin lalo na kay Willie. Kaya pinapakiramdaman daw niya kung puwede na niyang dalawin ang host ng Wowowin para personal niyang makausap at makahingi ng tawad sa mga maling nagawa niya. Maaring isa sa mga araw na ito ay sasadyain niya si Willie para makapagpaalam kung puwede siyang mag-promote. “Alam naman natin lahat na yung malaking bahagi ng aking karera ay sa Wowowin. Kung ano man ang narating ko nga­yon…kung walang Kuya Wil na nagbugbog sa akin para maging Tekla, wala ako ngayon. “I’m looking forward talaga and praying na sana ma-touch si Kuya na kung puwede lang,” dagdag niyang pahayag. Kaya hiningan namin siya ng mensahe para kay Willie; “Kuya, baka naman? Sana mabasbasanman lang niya ako, malaking utang na loob ko talaga yun. “Pakiramdam ko naman, si Kuya, madali lang suyuin yan eh. Kailangan lang ng timing talaga, kasi alam mo na hindi natin ano yung sitwasyon. Dapat perfect lang yung ti­ming,” sabi pa ni Super Tekla. Sa ngayon ay tinotodo raw niya ang pag-promote ng Kiko en Lala dahil sa September 25 na ang showing nito. Hindi nga raw alam ng manager niya, umiikot na raw siya sa mga palengke, at iniisa-isa ang mga tindera para ipaalalang abangan ang pelikula niyang Kiko en Lala. Kasama ni Super Tekla dito sina Derrick Monasterio, Kim Domingo, Jo Berry, Kiray Celis, Divine Tetay, at may special participation si AiAi delas Alas, under the direction of direk Adolf Alix. Kakaiba ang style nang pag-promote ng Megasoft Hygienics, Inc. ng mga produkto nila. Isang Hashtags member na si Ryle Santiago ang pinag-endorse niya ng baby products na Cherub, at effective naman daw. Ngayon naman si Young JV ang kinuha niyang brand ambassador ng sabong panlabang Fasclean Extra Power Detergent Powder. Ang kaibahan lang, kasama ang VP for Sales and Marketing ng Megasoft na si Aileen Choi-Go na nag-e-endorse ng naturang produkto. Isa naman siyang mompreneur kaya bagay naman siyang mag-endorse nito. Bukod pa diyan, malaki ang tiwala ng Megasoft sa power ng showbiz press para i-promote ang kanilang produkto. Napatunayan na niyang mabenta ang mga produkto niya kapag mga taga-showbiz ang mag-promote nito. Si Manay Lolit Solis daw ang tumulong sa kanya, at nagpakilala sa kanya sa showbiz, at nakita naman daw niyang malaki talaga ang natulong sa pag-promote ng mga produkto ng Megasoft. “Marami na kasi siyang natulungan sa akin. Siya yung nag-open ng door sa akin na ito yung showbiz na puwedeng tumulong for the brand. “Nagsimula pa sa Sisters, sa Super Twins at pati sa Cherub,” pakli niAileen. Ngayon nga ay sinubukan na rin niyang mag-artista na pumayag siyang bit role lang basta ma-experience lang daw niya ang trabaho ng isang artista Nag-volunteer daw siyang makapasali sa horror movie na Block Z nina Joshua Garcia at Julia Barretto. Eventually, maaring pasukin na rin daw niya ang pag-produce ng pelikula. “Actually, may mga offer na mag-produce kasi siyempre pinag-aaralan pa rin namin. Kasi, first time kong mag-venture sa ganyan,” pakli ni Aileen Go.