‘Agawang bola!’ (Sabong News)

NUNG HULING BAHAGI ng sinulat naming ‘Agawang bola’ (Jai alai vs SPL) binaggit namin kung paano nadamay ang pangalan ni National Security Adviser Hermogenes Esperon. Hindi na bago ang balita na naglabasan sa radyo at ibang dyaryo na ibinulgar ni Atong Ang na si Esperon daw ay nanghingi ng 25-M sa bawat operator ng Small Town Lottery (STL) mula sa Pangasinan hanggang Cagayan. Isang bagay na mariin namang pinabulaanan ni Gen. Esperon. “Bakit ko siya ipapapatay? Bakit ako makikisawsaw diyan e marami namang galit sa kanya...” bitin na pahayag ni Gen. Esperon. Ito’y nagsimula nang naglalaro ng sabong sa Pangasinan si Atong Ang at bigla na lang may tumawag sa kanyang isang kaibigan. Sinabihan siyang umalis dun kaagad dahil siya’y maa-ambush at papatayin. Anong ginawa niya? Mabilis pa sa lipad ng langaw nilisan niya ang sabungan. Ang laman naman ng kanyang panawagan sa media ay parati niyang binabanggit si Presidente Duterte na humihingi siya ng tulong dahil ang buhay niya at buhay ng kanyang pamilya ay nakalagay sa balag ng panganib. Sa rami ng tumatawag sa kanya na nagsasabi na may mga nagpapapatay sa kanya, parang isang tao na nagigipit si Atong Ang at nagsimulang magsalita na ibubulgar niya ang iba’t-ibang bagay tungkol kay Kim Wong. Mula sa isyu ng Bangladesh money, Kim Wong at mga laundered money na sa casino dinadala. Meron ding Jack Lam at yung mga lagayan sa mga BI Commissioners hanggang kay Jack Lam. Naghamon si Atong Ang na kahit saan maaari silang magharap ni SOJ Aguirre. Sinagot naman siya ni SOJ Aguirre na siya’y paranoid lamang. Hindi rin naman nagpatinag ito at sinabing papaimbestigahan sila sa BIR at pinapakuha ang mga dokumento ng Meridien Vista Gaming Corporation kung saan sinabi ni Atong Ang na ‘gambling consultant’ siya. Ang kinakatigan ni Atong Ang ay ang injunction na inilabas ng Court of Appeals (CA) na hanggang ngayon ay hindi pa nadedesisyunan ng Korte Suprema. Nagtaka ako nang marinig ko si SOJ Aguirre na sabihin niya na hindi ba alam ng abogado ni Atong Ang na talo na siya. Meron nang desisyon ang Korte Suprema. Ako’y napahinto, napaisip. Bakit siya magsasalita ng ganyan sa isang radio interview kung wala siyang natuklasan. Sinaliksik ko ang mga resolusyon ng Korte Suprema at nakita ko nga ang sinasabi ni SOJ Aguirre. Nung February 10, 2016 may Notice of Judgment na pinirmahan ni Maria Lourdes C. Perfecto, division clerk of court. Ang 2 division ng Korte Suprema kung saan ang miyembro ay sina Associate Justice Antonio Carpio, Associate Justice Arturo D. Brion, Associate Justice C. Del Castillo at Associate Justice Marvic M.V.F Leonen. WHEREFORE, the petition is GRANTED. The August 13, 2010 and December 9, 2010 Resolutions of the Court of Appeals, affirming the March 4, 2010 Resolution of the Regional Trial Court, Branch 7, Appari, Cagayan, are SET ASIDE. The Petition for Relief from Judgment filed by petitioner Cagayan Economic Zone Authority is GRANTED. Accordingly, the Court of Appeals is ordered to give due course to its Notice of Appeal. Let copies of this decision and the relevant records of this case be sent to the Board of Governors of the Integrated Bar of the Philippines for its administrative investigation of Atty. Edgardo Baniaga, based on the given facts of this decision to determine whether he has the requisite competence and integrity to maintain his membership in the roll of lawyers in the country. SO ORDERED. Pirmado ito ni Associate Justice Jose Catral Mendoza. Bakit pinaiimbestigahan si Atty. Baniaga sa Board of Governors of the Integrated Bar of the Philippines ng kasong administratibo? Ito ay sa kadahilanan na siya ay miyembro ng Office of the Government Corporate Counsel (OGCC) at dahil kahit na natanggap na ang desisyon ng RTC at CA hindi niya sinagot ito sa takdang panahon na ibinigay na labing limang araw. Lumampas ito at napaso ang prescriptive period kaya’t ang taong ito ay maaaring matanggalan ng lisensya bilang abogado dahil sinasabi sa desisyon ng Korte Suprema na maaaring nagkaroon ng collusion o sabwatan at bigayan ng pera na ikinatalo ng gobyerno kaya’t namayagpag ang injunction ng CA. Sumagot naman ang kampo nina Atong Ang sa pamamagitan ng kanilang abogado na ang kanilang pagkakaintindi ay bibigyan ng pagkakataon ang OGCC na magsumite ng kanilang apela sa TRO at injunction ng CA kaya’t susulat sila ng clarificatory letter para linawin ang mga bagay na nalalabuan sila kung ano ba ang ibig sabihin ng Korte Suprema. Ang desisyon ay dapat diretso at hindi nag-iiwan ng puwang para sa anu-anong katanungan at intepretasyon. Wala namang sinasabi dito na nili-lift ang injunction. Ito ay isang whimsical, capricious and liberal interpretation ni SOJ Aguirre para pumabor sa kanya. Gumugulo yata ang usaping ito at lumalaki. Ang sabi ni Atong Ang si Senator Antonio Trillanes ay magsasagawa ng isang hearing sa Senado ukol dito at sa lahat ng kanyang ibubulgar. Ang hindi ko naman maintindihan January 27, 2016 pa lamang lumabas na ito. Kadalasan ang Korte Suprema ay nagsasagawa ng isang press conference kung saan nung mga panahon na yun ang kanilang public information officer ay si Theodore Te. Lumabas ito ng 2016 bakit napayagan ang Meridien na magpatuloy sa kanilang palaro at naungkat lamang wala pang dalawang linggo ang nakakaraan? Si SOJ Aguirre ay umupo sa kanyang pwesto nung July 2016 matapos siyang italaga ni Presidente Rodrigo Duterte. Sa rami din naman ng trabaho ni SOJ Vitaliano Aguirre masisisi ba siya o masasabing naging pabaya siya sa kanyang tungkulin na tutukan ang mga high profile cases. Ano sa palagay niyo? Ang nakakagulo dito si Gen. Esperon na isang Security Adviser na madaming kailangang gawin tulad ng peace and order, Abu Sayyaf, mga NPA at mga terorista na nagpapasabog sa buong bansa gaya nang magkasunod na pagsabog kamakailan sa Quiapo. Kung totoo nga ang sinasabi ni Atong Ang bakit nakikibakas pa? ABANGAN sa BIYERNES ang karugtong ng seryeng ito EKSKLUSIBO sa CALVENTO FILES sa PSNGAYON. SA MGA BIKTIMA NG KRIMEN o may problemang ligal maaari kayong magtext sa 09198972854, 09051090451 at sa gustong maka-usap ako ng diretso sa 710-3618. Maaari din po ninyong i-like ang o i-type na rin ng diretso sa Facebook sa Tony A. Calvento at mag-iwan ng mensahe para sa inyong mga problema. Hotlines: 09198972854 Tel. Nos.: 7103618