On-line sabong pa ni-raid ng NBI (Sabong News)
Author
Ludy Bermudo
Date
FEBRUARY 26 2016
MANILA, Philippines - Anim sa 20 websites sa loob ng sabungan na sangkot umano sa iligal na operasyon ng online betting ang sinalakay ng mga operatiba ng National Bureau of Investigation (NBI) sa lalawigan ng Tarlac, noong nakalipas na linggo.
Gamit ang search warrants na inisyu ng Olongapo City Regional Trial Court Branch 72, ni-raid ng NBI-National Capital Region (NCR) ang New Tarlac Coliseum nitong nakalipas na Pebrero 22.
Nabatid na may paglabag umano sa Presidential Decree no. 449 ang nasabing sabungan dahil kahit legal ang sabong sa Pilipinas kung may kaukulang permit mula sa lokal na pamahalaan at sa ilang ahensiya ng gobyerno, ang nasabing sabungan umano ay iligal o walang permit para sa kanilang online sabong betting.
Naberipika umano ito mula sa Permit and Licensing Office ngTarlac City, at ng iba pang gaming authority ng gobyerno tulad ng Games and Amusement Board (GAB), Philippine Gaming Corporation (PAGCOR), North Cagayan Gaming and Amusement Corp. (NCGAC) at ng Cagayan Economic Zone Authority (CEZA).
Kaugnay ito sa kampanya ng NBI na “Cyber Gambling Crackdown”.
Ang live na sabong ay napapanood sa actual o real time sa pamamagitan ng internet at maaring tumaya ang mga manunugal sa napapanood na sultada ng cock at stag derby ng mga sabungan sa bansa.
Kabilang sa sinalakay ang websites na
;
;
;
;
;
.
May mga website na nagpakita ng Online Gaming Authorization na nanggaling sa FILKOR Leisure and Resort Corporation, ngunit ayon sa NBI ang FILKOR ay hindi authorized para mag-issue ng permit o license para sa online sabong dahil ‘resort and leisure’ lamang ang kanilang saklaw base sa rehistro sa Security and Exchange Commission (SEC).
Ayon kay NBI-NCR director Atty. Max Salvador, kinumpiska ang mga nakitang high-teche quipments kabilang ang video camera, video switcher, audio mixer, laptops at desktops computer, internet modems na umano’y gamit ng mga ito sa kanilang illegal na gawain. Hindi inaresto ng NBI ang mga technicians ng mga ito pero nahaharap ang mga may ari ng websites na ito sa kasong paglabag sa P.D. 1602, o illegal gambling at R.A. 10175 o Anti-Cybercrime Law.
