5 ka tawo sikop nga nagtigbakay sa Daanbantayan (Sabong News)
Author
Ariza Rose Miranda
Date
JUNE 10 2021
CEBU, Philippines — Lima ka mga tawo sikop human naaktohan nga nagsabong sa Barangay Maya, Lungsod sa Daanbantayan Cebu, diin usa niini menor de edad.
Ang mga nadakpan mao sila si Marlito Beraces, 44 anyos, Ronel Quirallo, 39 anyos, Jerome Montana, 37 anyos, Rolando Cuyos, 44 anyos ug usa 17 anyos diin nasakpan nga nipahigayon og tigbakay kagahapon sa hapon, Hunyo 8, 2021.
Nadakpan ang maong mga suspek sa Sitio Sala, Baranggay Maya, Daanbantayan human musumbong ang usa ka concern citizen ngadto sa kapolisan.
Lakip sa nasakmit gikan sa mga suspetsado mao ang duha ka manok, duha ka buwang, usa ka cellphone ug balig P520 nga kwarta.
Sa nasayran ang Inter-Agency Task Force on Emerging Infectious Diseases IATF hugot nga nipahimangno nga gidili pa ang aktuwal nga sabong karong panahona gumikan kay naa pa ang pandemya sa COVID-19.
