Sunshine, kinasuhan ng estafa sa Bicol (Latest Sabong News)

MANILA, Philippines — May sapat diumanong ebidensiya ang isinampang kaso laban kay Margaret Tan aka Sunshine Dizon at kasama niyang si Jonathan Tubic-Dy sa Regional Trial Court of Daet, Camarines Norte ayon sa inilabas na resolution ng Provincial Prosecution Service, Daet, Camarines Norte na base sa isinampa ng nagngangalang sina Benedicto Cosa Padua at Rogelio Cruz Fonacier ng Jose Panganiban, Camarines Norte. Diumano’y nag-invest ang mga nagreklamo ng P10 million dahil sa pangakong kikita sila sa online sabong at saan nag-umpisa ang kanilang usapan noong February 2022. Diumano’y ang pakilala ng dalawa ay konektado sila sa mga pulitiko. Dahil doon nakumbinsi diumano silang mag-invest. Hanggang ideklara ng gobyerno na bawal na ang online sabong. May 2022 raw nang binabawi na ang pera pero tumalbog diumano ang ibinigay ditong tseke at doon na nag-umpisa ang imbestigasyon. Nakasaad sa inilabas na resolution na : “A public prosecutor alone determines the sufficiency of evidence that establishes the probable cause justifying the filing of a criminal information against the respondent because the determination of existence of a probable cause is the function of the public prosecutor. “Generally, the public prosecutor is afforded a wide latitude of discretion in the conduct of a preliminary investigation. “A finding of probable cause needs only to rest on evidence showing that there exist a well-founded belief that a crime has been committed and that the respondents is probably guilty thereof. “WHEREFORE, let an Information for Estafa under paragraph 2 (a) of Art. 315 of the Revised Penal Code as amended by R.A. 10951 be filed against JONATHAN RUBIC DY and MARGARET TAN aka SUNSHINE DIZON before the Regional Trial Court of Daet, Camarines Norte. The bail recommended for their provisional liberty is Php66,000.00 each. “In addition, let two separate Informations for Violation of B.P.22 be filed against JONATHAN RUBIC DY. The bail recommended for his provisional liberty is Php120,000.00 for each case. 23 March 2023. Daet, Camarines Norte.” Pirmado ang nasabing resolution nina Associate Provincial Prosecutor Indira P. Napicol-Martinez and approved by Provincial Prosecutor Evillo Chispa Pormento. Sinubukan naming hingan ng pahayag ang kampo ni Sunshine pero hanggang sa sinusulat namin ito wala pa kaming natatanggap na sagot. Nauna rito ay nag-post si Sunshine ng sunud-sunod na babala sa kanyang followers tungkol sa isang scammer na hindi niya naman pinangalanan kung sino. Bukod dito ay ibinulgar niyang may sex video rin daw ang taong ito sa iba’t ibang babae. Dahil nga blind item ay kanya-kanyang hula ang netizens at nagbigay ng mga pangalan kaya’t binura ng aktres ang kanyang posts. Mas gusto ni Lorna Tolentino na mag-produce ng indie films kesa magdirek. Sa ngayon ay planado na ang lahat. Sa production company ng kaibigan niyang si Sylvia Sanchez, Nathan Films. Anong dream project mo, tanong namin kay Ms. LT, sa media event para bagong yugto ng FPJ’s Batang Quiapo last Thursday. “More of story ng mga babae talaga. Parang Glory, Queenmaker, Promising Young Woman, more of scandal, friendship,” aniya. Sinong mga bida if ever? “Siyempre may usapan na kami ni Ibyang (Sylvia), magkasama kami. Hahaha. “Meron din naman kaming kukunin, hindi lang kaming dalawa, hahaha,” dagdag pa ni Ms. LT. “Mas gusto ko talagang mag-produce dahil sa kasalukuyan, si Sylvia ang bagong teacher ko sa buhay. Ang isa pang nagmamahal kay Daboy (Rudy Fernandez) na minahal na rin ako. “Kaya sasama ako sa kanya sa Cannes Film Festival sa May 16 to 20 para mag-aral ng marketing and production,” kuwento pa ng mahusay na actress na tumatak ang charac­ter na si Lily sa Probinsyano. Anyaway, bago siya pumasok sa Batang Quiapo, inasikaso niya ang kanyang health. Nagkaroon daw siya ng hormonal imbalance na kung ‘di naagapan ay nagkaroon na siya hypothyroidism at strain ang kanyang knee. Nakuha niya raw ‘yun sa taping nila sa lock-in ng Probinsyano na ‘pag break sila, naglalakad-lakad siya. Nagkaroon ng knee tear kaya kinailangan niyang mag-therapy. “Inasikaso ko naman ‘yung health ko kasi health is wealth nga, ‘di ba. So yon, pati mga hormonal imbalance ko dahil, no’n pa lang sa Probinsyano, payat akong nagsimula hanggang sa (tumaba)… kulang na lang putukin, hormonal imbalance ko pala ‘yon. So inasikaso ko rin yon, tapos nagkaroon din ako ng knee problem. Sa Probinsyano ko rin nakuha ‘yung knee problem kasi every time na meron kaming rest period, so ginagawa ko umiikot ako dun sa... naglalakad. Hilly siya so medyo na-strain ‘yung tuhod ko. So nagkaroon ng tear, medyo nawala ‘yung gel, so nagdidikit so nag-PRP ako sa rehad med kay Dr. Mark so ok na siya ngayon.” At kung siya ang tatanungin mas gusto pala nila ang lock-in taping. “Mas mahirap ngayon, uwian,” chika pa ng mahusay na aktres na ngayon ay nag-iba naman ang character sa Batang Quiapo, kaya pati itsura ay iniba.