Tigbakayan sa pista, pangdakpon gihapon bisan dunay permit? (Latest Sabong News)
Author
Sanden J. Anadia
Date
APRIL 21 2023
CEBU, Philippines — Gitinguha ni Cebu City Councilor Pastor Jun Alcover Jr. nga tukion ang legalidad sa mga pagpahigayon og sabong sa kabaranggayan ilabi na karong daghang mga magsaulog sa ilang kapistahan.
Nunot niini, usa ka executivesession ang mahitabo karong Mayo 3 ,2023alang lapad nga diskusyon kabahin niini aron maklaro unsay mga angayang klaruhon.
Sa privilege speech ni Alcover sa niaging session sa Konseho , nahisgotan niini nga parte na sa kultura ang sabong ug kalipay kini sa ubang tawo. Alang kaniya importante kaayo ang paghatag og katin-awan sa legalidad niini .
"Ang punto lang nako karon kay hapit na ang Mayo ug daghan kaayog fiesta ana nganhi sa Cebu City. Unya matag fiesta, parti na sa kultura ang adunay cockfighting. Ang akong concern, dakpon ba ni sila sa mga kapulisan nato bisag naa kini Special Permit gikan sa Office of Mayor ug Game Fowl Commission?," tipik sa mensahe ni Alcover.
Ang umaabot nga executive session kay pagatambongan sa mga representante sa Cebu City Police Office, Cockpit Operators, mga mahiligon sa sabong, Cebu City Game Fowl Commission, Office of the Mayor, ug Association of Barangay Councils .
Si Alcover miingon nga ang sabong nahimo na nga kabahin sa kasaysayan sa nasud nga na-establisar na daan bisan pa man sa panahon nga wala pa naabot ang mga Katsila.
Matub pa niya nga ang kagamhanan sa siyudad dunay otoridad sa pag-regulate sa cockpit operations ubos sa Local Government Code.
"Ang City kay authorized mag regulate sa cockpit operations ug cockfighting matud pa sa Section 458, paragraph 3, sub-paragraph (v) of the Local Government Code, 'Any law to the contrary notwithstanding, authorize and license the establishment, operation, and maintenance of cockpits, and regulate cockfighting and commercial breeding of gamecocks: Provided, That existing rights should not be prejudiced," nagkanayon si Alcover . Dugang pa niya nga ang Dakbayan kay adunay na'y City Ordinance No.1447of1993nga dunay nagkadaiyangamendments sa pag-regulate sacockfighting.
Samtang si Bise Mayor Raymond Garcia nanawagan kagahapon sa kapolisan nga respetohon ang mga ordinansa sa dakbayan nga nagtugot sa matag -adlaw nga operasyon sa mga legal nga cockpit.
Nasayran nga sa Probinsya sa Sugbo, si Gobernador Gwendolyn Garcia mipatawag sa kapolisan ug gimandoan kining hunongon ang pagpangronda sa mga tigbakayan sa mga kabarangayan nga adunay mapakitang permits gikan sa ilang lungsod.
