“E-sabong to make a comeback” (Latest Sabong News)
Author
Antolin dela Serna
Date
JUNE 14 2022
Mao kini ang ulohan sa column ni Iris Gonzales sa Philippine Star, nakabasa na tingali mo niini kay sa niagi pa man kinig semana migawas sa mantalaan.
Apan ato kining gihisgutan dinhi tungod kay mabalaka na usab kita gumikan sa kadaut nga nahimo niini ngadto sa mahiligon sa sugal, ug niadtong nagdali nga makahipos og daghang kwarta sa labing sayon nga paagi, nga dili kinahanglan magbudlay.
Ang nakadaut lang kay, in most instances, ang binudlayan nga salapi, ang bunga sa pagpasingot mao man hinuon ang maamong ug maangin. Nga inay maadunahan mapurdoy na man hinuon.
Busa, daghan ang nalipay nga giwagtang ang e-sabong, ilabina ang mga asawa nga wala nay madawat nga pangbugas pangsud-an gikan sa sugarol nlang bana.
Apan, matud pa: “E-sabong isn’t dead, says Charlie “Atong” Ang, the gambling netherworld’s Lord of the Ruweda. It is merely suspended, but when it resumes it will be more regulated and the fights will no longer be round-the-clock.”
So, wala pa mamatay ang e-sabong, na-suspended lang. Nga kon mobalik man, hugtan na kaayo ang pag-regulate niini, ug ang sabong dili na ‘round the clock.’ Sa ato pa, dili na diritso-diritso.
Kanus-a man ni mahitabo? Walay klaro, gumikan sa transition tali sa gumagawas ug sa mopuli nga administrasyon. Ug si Ang nakakita’g rason nganong ibalik ang e-sabong. “But for sure, our COVID-19-ravaged economy will need the taxes from e-sabong, a live-streamed version of cockfighting, the country’s oldest pastime.”
Pila may masulod sa nasudnong panudlanan gikan sa e-sabong? Ania, ato ning kutloon, aron di ta masayop: “Before Duterte suspended e-sabong early this month due to its social costs, Ang’s Pitmasters platform paid P135 million in monthly tax to Pagcor, according to a Bloomberg report. It collected P2 billion to P3 billion a day, of which 95 percent went to winning bettors and the rest, to Ang and his agents, the report also said.”
Ato ning usbon, P135 million ang binuwan nga buhis nga mabayad sa e-sabong ngadto sa Pagcor.
Asa man ta mangahaoy ining kawartaha? Mao bitaw nga nadugay ang pag-suspenso niini gumikan sa maong hinungdan.
Apan, adunay pangutana, unsa may atong palabihon, ang salapi o ang social disaster kon kadaut sa kinabuhi sa daghang mga banay gumikan niining maong matang sa sugal? Daghan ang misupak niini. Apan, matud dinhi: “Ang, 63, is ready to defend e-sabong in any court, even before God. The gambling tycoon prays everyday without fail and he does it with a clear conscience.”
Matud niya, kon mapilde ka’g bali’g pila ka libo, dili kini makapa-pobre kanimo, apan, sa imong P100 nga ipusta, adunay purohan nga mahayahay ang imong pagpuyo. Bahin sa mga batan-on, niya pa, “as with cigarettes and liquor, it is really up to the guardians to keep the kids away from vices.”
Sa giingon nga daghan na kuno siya’g nahipos nga kwarta gumikan sa e-sabong, iyang tubag: “One should look at the country’s unscrupulous lawmakers, politicians, and the wheeler-dealers in every administration. They are the ones gambling away the country’s future with their insatiable greed.”
Iya kining pamahayag, ania ra kanato motuo ba kita o dili.
