DILG ug PNP adunay dakong anunsiyo sa pagsaulog sa Bag-ong Tuig (Latest Sabong News)
Author
Decemay P. Padilla
Date
DECEMBER 29 2022
CEBU, Philippines — Adunay dakong anunsiyo ang Department of Interior and Local Government (DILG) ug Philippine National Police (PNP) sa pagsulog sa bag-ong tuig. Kini maoy gibutyag ni DILG Secretary Benjamin Abalos, Jr. atol sa command visit niini diha sa Police Regional Office (PRO)-7 headquarter sa Camp Sergio Osmeña, Siyudad sa Sugbo.
Sa iyang mensahe, si Abalos nagkanayon nga dakong anunsiyo nga gikatakda nilang ipahibawo sa sunod semana kalabot sa “war on drugs”.
Gusto ni Abalos nga ang kapolisan sa rehiyon-7 mohimo sa ilahang trabaho ilabi na sa pakigbatok sa ginadiling drugas ilabi na sa mga nanglabay nga operasyon diin kasagaran
sa mga nadakpan miyembro sa law enforcement agencies sama sa PNP ug Philippine Drug
Enforcement Agency. Matud ni Abalos nga dakpon ang tanang namaligya ug tiggamitan og illegal nga drugas
bisan pa og dagkong personalidad ang nalambigit.
Usa ka dili maayong senyales ang mga nadakpan sa operasyon nga miyembro sa PNP ug PDEA ug hagit kini sa tanan ilabi na PNP-7.
Naglaom si Abalos nga ang tanang kapolisan sa PRO-7 mosuporta sa war against
illegal drugs. Usa sa mga lakang nga gihimo sa DILG nga gisuportahan sa LGUs ug ubang ahensiya sa
gobiyerno aron batokan ang problema sa illegal drugs mao ang “Buhay ay Ingatan, Droga ay Ayawan” (BIDA) program”.
Gidayeg usab ni Abalos ang paglusad ni Cebu Governor Gwendolyn Garcia sa One Cebu Inter-Agency Interdiction Task Force ug matud niya nga posibleng i-replicate kini sa ubang
lugar ilabi na sa Negros Oriental nga unang giadto sa kalihim aron mahatagan og solusyon ang giingong pagkatap sa e-sabong sa maong dapit.
