MANILA, Philippines — Tatapusin na ng Senate Committee on public order and dangerous drugs ang sariling imbestigasyon sa operasyon ng online sabong at sa pagkawala ng 34 sabungero.Ito’y matapos na itakda ni Sen. Ronald “Bato” dela Rosa, chairman ng komite, ang ika-apat at huling pagdinig sa Abril 18.Ayon kay dela Rosa, hindi na nila patatagalin ang mga pagdinig dahil may sapat na silang nakalap na impormasyon para makapagrekomenda ng aksyon tungkol sa pagkawala ng mga sabungero at tungkol din sa mga batas na kailangan para sa regulasyon ng e-sabong.Sinabi pa ng senador ito ay para hindi rin siya maparatangan ng grandstanding.Sa pagkawala umano ng mga sabungero ay bahala na dito ang mga otoridad na nag-iimbestiga tulad ng PNP at NBI.Sa lehislasyon ay maaari umano maging laman ng kanilangreport kung gagawan ng batas ang regulasyon o tuluyang ipagbabawal ang e-sabong.
