3 pulis, sapol sa kaso ng 34 missing sabungeros! — Gen. Lee (Latest Sabong News)
Author
Non Alquitran
Date
DECEMBER 21 2022
“HINDI natutulog ang hustisya!” Ito ang binigyang-diin ni CIDG director Maj. Gen. Ronald Lee matapos makitaan ng probable cause ang tatlong pulis na sangkot sa robbery at kidnapping sa master agent na si Ricardo Lasco sa Laguna. Ayon kay Lee, sasampahan sa korte ng kasong kidnapping and serious illegal detention sa inalim ng Art. 267 at robbery with intimidation sa ilalim naman ng Art. 294 ng Revised Penal Code ang mga suspects na sina SSgt. Daryl Paghangaan, Pat. Roy Navarete at Pat. Rigel Brosas, ng Laguna police.
Sa 19-page resolution, kinonsidera ng DOJ ang mga testimonya ng mga testigo, at CCTV footages sa sapilitang pagdukot kay Lasco para kasuhan ang mga pulis. Dipugaaaaa! Paktay kayong bata kayo! Hehehe! Lalabas din ang katotohanan dito. Mismooooo!
Kung sabagay, may iba pang ebidensiya na isinumite ng CIDG SITG “Sabungero” laban sa mga suspects na puwersahang pumasok sa bahay ni Lasco sa Bgy. San Lucas 1, San Pablo City, Laguna noong Agosto 30. Ang mga pulis ay nagpakilalang taga-NBI at umano’y may dalang arrest warrant sa large-scale estafa. Natangay ng mga suspects’ ang personal belongings ni Lasco at pera ng mga kaanak na umaabot sa P10. 4 milyon, ani Lee.
Si Lasco ay master agent ng World Pitmaster Cup ng negosyanteng si Charlie “Atong” Ang. “Tayo ay natutuwa sa paglabas ng rekomendasyong ito at tayo’y umaasa na mareresolba rin natin ang iba pang kasong ating hawak para dito sa mga nawawalang biktima,” ayon pa sa CIDG director. Eh di wow! Hehehe! Lumilinaw na ang kasong ito! Tumpak!
Nilinaw naman ni Col. Jean Fajardo, PNP spokeperson na napirmahan na ang dismissal order, hindi lang laban kina Paghangaan, Navarete at Brosas, kundi maging kina Henry Sasaluya at Michael Claveria. Ayon kay Fajardo, wala pang lumulutang na testigo laban kina Sasaluya at Claveria kaya’t hindi sila kasama sa DOJ resolution. Subalit kapag naituro na sila ng testigo, isasama na sila sa kakasuhan.
Ang kaso ni Lasco ay isa lamang sa walong kaso na hawak ng CIDG SITG “Sabungero” na nakialam na sa imbestigasyon matapos i-dismiss ng prosecutor’s office ng San Pablo City ang isinampa na kaso laban sa mga pulis. Eh di wow! Hak hak hak! Kahit hindi pa ibinubunyag ni Justice Sec. Boying Remulla kung sino ang mastermind sa kaso ng 34 missing sabungeros, nakatingin ang mga kosa kong mga sabong affiicionado sa isang may-ari ng sabungan. Dipugaaaaa! Hehehe! Kailangan pa bang i-memorize ‘yan?
Sinabi ni Fajardo na ang tatlong pulis ay naka-restrictive custody ni Calabarzon police director Brig. Gen. Tateng Nartatez at hindi sila sumasali sa operations. Tuloy-tuloy pa ang suweldo nila subalit mahihinto ito kapag lumalarga na ang administrative at criminal cases laban sa kanila. Tiniyak ni Fajardo na mas mabilis ang paggalaw ng administrative case laban sa mga pulis kumpara sa korte kung saan halos puno na ang kalendaryo nila. Mismooooo!
Iginiit ni Lee na walang inaatrasan ang CIDG SITG “Sabungero” para tuklasin ang katotohanan sa kaso ng 34 missing sabungero hanggang magkaroon ng resolution ito. Kaya iniimbitahan uli ni Lee ang mga kamag-anak ng nawawalang sabungero sakanyang opisina bukas para bigyan sila ng updates sa kaso. Abangan!
