Gretchen, naging spokesperson sa fake news ni Atong Ang (Latest Sabong News)
Author
Nitz Miralles
Date
DECEMBER 29 2021
Pumalag si Gretchen Barretto sa kumalat na tsismis na aniya ay fake news at patungkol kay Atong Ang. Naka-report kasi ang “Mas may tsansa ka pang manalo sa online sabong kesa itaya mo kinabukasan mo kay Bongbong Marcos. Pinaglololoko lang kayo ng BBM na yan.”
Nakasulat ang “FAKE NEWS” sa photo ni Atong Ang at sa naging pahayag nito, sabi ni Gretchen, “FAKE NEWS! HINDI NAKIKIALAM SA POLITICS si Mr. CHARLIE ATONG ANG. ITO AY GAWAIN NG AMING KALABAN SA NEGOSYO. To my friends kindly REPOST THIS @pitmastercare. Mr. Ang will make a live statement tomorrow.”
By now, lumabas na siguro ang live statement ni Atong Ang bilang sagot sa kumalat na fake news na attributed to him. Mas maganda kung binanggit ni Atong Ang sa kanyang statement kung sinong “kalaban nila sa negosyo” ang tinukoy ni Gretchen na nasa likod ng fake news na ito.
Pati si Boy Abunda, sinasabing lilipat sa GMA Network dahil nag-mentor sa mga taga-GMA Artist Center. Na-interview nina Ogie Diaz at Mama Loi sa kanilang vlog si Boy, kaya lang, parang hindi nito tinanong si Boy sa isyu.
Ang sabi lang ni Ogie, hindi masisisi si Boy kung ini-entertain ang noon pa napabalitang offer sa kanya ng GMA dahil kailangang magtrabaho ni Boy. Kapag dumating ang panahong babalik ang TV host sa Kapuso Network, tiniyak ni Ogie na maiintindihan si Boy ng ABS-CBN.
Ano nga ba, may offer ba ang GMA kay Boy o puro tsika lang. Naku, kapag lumipat si Boy sa GMA, hindi lang sa kanya magagalit ang Kapamilya fans, pati na rin sa Kapuso Network. Ayaw pa raw tumigil ang GMA sa pamimirata ng talents ng ABS-CBN at parang balak ubusin ang Kapamilya talents.
Pinost ni Rabiya Mateo sa IG Stories niya ang vlog ni Luis Manzano interviewing his dad Edu Manzano and GF Cherry Pie Picache. Maririnig ang tawa at kilig ni Rabiya habang pinapanood ang vlog at nag-caption na ng “I think I’m a certified #PieDu.”
Marami rin naman ang kinikilig kina Rabiya at Jeric Gonzales na spotted sa iba’t ibang lugar. Simula lang pala ang larawan nilang sweet habang nasa Enchanted Kingdom dahil nakita rin sila sa Olongapo City.
In fairness, pumapayag magpakuha ng larawan na magkasama ang dalawa, hindi sila gaya sa ibang showbiz couples na bawat makunan ng litrato na magkasama at kailangan, solo picture nila ang kukunan.
Dahil sa relationship reveal na ito nina Jeric at Rabiya, may mga nagsa-suggest na isama ni Sen. Bong Revilla si Jeric saAgimat ng Agila na isa si Rabiya sa kanyang leading lady dahil tiyak magiging ganado raw mag-taping si Rabiya kung kasama si Jeric. Maaalalang sa taping ngWish Ko Lang nagkita at nagkakilala ang dalawa, tapos ngayon, couple na sila. Ang bilis ni Jeric ha!
Kabilang si Heart Evangelista sa kinilala ngLifestyle Asiasa 21 People Who Shaped 2021. Kasama ni Heart sa list sina John Arcilla, Maria Ressa, Bretman Rock, Bella Poarch, Ronald Ventura, at Michael Cinco.
May paliwanag ang Lifestyle Asiakung paano napili sina Heart at mga kasama sa 21 People Who Shaped 2021. Pinili ang mga nabanggit na personalidad based sa kanilang inspiring stories, achievements and more.
“The individuals have been carefully selected by the Lifestyle Asia team for their inspiring tales, laudable achievements, a passion for the community, and unique triumphs that will endlessly inspire our fellow countrymen.”
Samantala, sa kanyang mga post, nasa Amerika pa sina Heart, asawang si Sorsogon Governor Chiz Escudero at ang dalawa nitong mga anak.
