Mopatuman og “one-strike policy” ang Police Regional Office (PRO) -7 sa mga chief of police nga dili maka perform sa pagpuhag sa e-sabong ubos sa ilang hurisdiksyon.Matod ni Police Brigadier General Roderick Augustus Alba, pangulo sa kapulisan sa Central Visayas, nga ma-apply ang one-strike policy sa mga chief of police kon walay gihimo batok sa maong matang sa illegal nga sugal.Kon laing unit ang makadakop sa e-sabong nga ubos sa iyang hurisdiksyon, hulipan gilayon ang hepe.Sa miaging semana nakasikop na ang kapulisan sa Central Visayas og kapin sa 300 ka mga sugarol, lakip na sa operator sa e-sabong.Bisan pa niini, ila pang pahugtan ang ilang subsub nga kampanya hangtod nga mahunong na ang operation niini.“Kahit nangyayari na sa kanyang AOR at hindi niya nagawan ng paraan, at ibang unit pa ang nag operate, matatanggal siya sa kanyang position,” matod ni Alba.Gipa monitor usab ni Alba sa commanders ang ilang mga personnel basin dunay protector sa e-sabong.“I have directed unit commanders to monitor their personnel as there might be players, supporters and even protectors of e-sabong operations,” matod ni Alba.Niawhag usab siya sa publiko nga mo report sa kapulisan kon dunay makita nga nagpustaanay sa e-sabong sa ilang lugar aron maaksiyunan.“Huwag po nating mahayaang masira ang ating buhay dahil sa pagkakalulong sa sugal,” dugang ni Alba.Human nga gihunong na ang legal nga operation sa e-sabong niadtong Mayo 2022 tungod sa kontrobersiya sa pagka missing sa mga tawo sa kaulohan tungod sa maong matang sa sugal, daghan ang nitumaw nga illegal e-sabong operations.
