121 nadakpan sa e-sabong (Latest Sabong News)
Author
Decemay Padilla
Date
DECEMBER 13 2022
CEBU, Philippines — Moabot sa P83.9 million nga balor sa illegal nga drugas ang gisunog sa mga tinugyanan sa balaod kagahapon sa buntag, Desyembre 12, 2022 sa Cosmopolitan Funeral Homes Inc. sa dalan Junquera, siyudad sa Sugbo. Ang mga ahente sa Philippine Drug Enforcement Agency (PDEA) sa rehiyon ang nangulo sa pagsunog sa 12.3 kilong shabu, 1.9 kilong dahon sa marijuana ingon man ang unom ka fully grown marijuana plants, 136 mL sa nubain diin ang tanan mokantidad og P83.9 million.
Mao kini ang ikatulong drug destruction sa PDEA karong tuiga. Katapusan nilang gisunog ang P256.4 million nga illegal nga drugas niadtong niadtong Nobyembre 29 ning tuiga.
Matud ni PDEA-7 Director Levi Ortiz nga nagmalampuson ang ilahang kampanya batok sa illegal nga drugas dili lang sa anti-illegal operations ug pagsunog niini kondili hasta sab sa rehabilitation program niini.
Sumala pa ni Ortiz nagkadaghang mga drug offenders ang nakakompleto sa ilang drug rehabilitation program.
Niadtong Desyembre 7, 2022 ang mga miyembro sa One Cebu Inter-Agency Interdiction Task Force mipirma sa Memorandum of Agreement nga gipangulohan ni Cebu Governor Gwendolyn Garcia.
Sigon ni Ortiz ang maong task force dako og tabang sa ilahang kampanya batok illegal drug, dili lang sa pag-intercept sa pagsulod niini sa Rehiyon apan apil na sab ang demand reduction ug prosecution sa mga kaso.
Dugang sa opisyal nga duna na sila’y master plan alang sa execution sa task force apan subject pa kini sa revision pending sa proposed meeting karong December 14.
Sa iyang bahin, si Prosecutor Marites Cullen sa Office of the Cebu City Prosecutor miingon nga ang sagad sa rason nganong dunay mga illegal drug cases nga ma-dismiss gumikan sa custody sa illegal drugs.
“Naa nay chain of custody. If there is a break, case gets dismissed, accused gets acquitted,” sigon ni Prosecutor Cullen.
Nanghinaot si Cullen nga tan-awon kini sa mga law enforcers. Tungod kay madudahan man ang integridad sa ebidensiya kun kadudahan daan ang pagkostudiya sa mga ebidensiya diha sa mga kamot sa polis o law enforcement agencies nga naghimo sa operasyon.
Si Ortiz miingon nga ang Central Visayas mao ang adunay pinakataas nga highest conviction rate sa mga kaso sa ilegal nga drugas karon.
