Lotto, magkaka-online betting na! – Garma (Latest Sabong News)
Author
Non Alquitran
Date
OCTOBER 18 2021
ONLINE sabong at e-sabong watch out! Para maungusan ang kita nila, minabuti ni Philippine Charity Sweepstakes Office (PCSO) General Manager Royina Garma na gawin na ring online betting ang tayaan sa lotto at iba pang gaming products ng ahensiya.
Inamin ni Garma na naapektuhan ng online Sabong at e-sabong ang palaro ng PCSO nitong pandemya dahil sa ang tayaan nila ay isang pindot lang sa gadget samantalang ang suki nila ay lalabas pa sa bahay para tumaya. ‘Ika nga minabuti na lang ng mga Pinoy na tumaya sa online games kaysa lumabas pa ng bahay noong kasagsagan ng Delta variant kung saan libu-libong Pinoy ang nahawa o naospital.
Subalit dahil mag-o-online betting na rin ang PCSO, malakas ang paniwala ni Garma na mahahatak nila ang mga parukyano ng online Sabong at e-games dahil mas may tsansa silang maging milyonaryo at higit sa lahat makakatulong pa sila sa maysakit na Pinoy. Dipugaaaaa!
Sinabi ni Garma na magsisimula silang mag-online betting sa unang tatlong buwan sa darating na taon. Aniya, ang Philippine Gaming Management Corp.-Pacific Online Systems Corp.-International Lottery & Totalizator Systems, Inc., (PGMC-POSC-ILTSI) joint venture, ang nanalo sa bidding ng nakaraang buwan. Ang naturang kompanya ay bibigyan ng two-year transition period para ikabit ang kanilang sistema para wala ng balakid sa online at web-based betting.
“Last month, we just awarded (the project to the winning bid group). We hope for a web-based betting platform. As you can see, kasi medyo risky ngayon ‘yong pumunta ka ng outlet para roon tumaya,” ani Garma. “There is a two-year period to 100 percent transform the present setup of our lotto games into a more sophisticated system where all the betting platforms will be available, “ ang dagdag pa ni Garma. “Hopefully, (late) this year, or first quarter of next year, we can start already.”
Kapag naka-online na ang tayaan sa gaming products ng PCSO, tiniyak ni Garma na lalaki ang revenue collection nila para maitaas din ang maibigay nilang charity funds para sa mga mahihirap na Pinoy na maysakit, lalo na sa panahon ng pandemya. Mismoooooo! Dipugaaaaaaa!
Sa ngayon, hinihintay ng PCSO ang legal opinion ng Office of the Government Corporate Counsel (OGCC) para siguraduhin na ang mga menor de edad ay hindi makataya sa kanilang palaro. “So we have to balance everything, regulate everything. Even if we go online we will make sure that’s it’s not 24/7 and thendapat merong mgarestrictions,na dapat18 years oldkaor maybe if you go online, 18 years old is still dependent to their parents.Pag-aaralan pa talaga,” ani Garma.Mismooooooo! Dipugaaaaaaa!
Sa kasagsagan ng COVID-19 ng nakaraang taon, halos tatlong buwang sinuspende ang operations ng PCSO subalit nakapagtala pa sila ng P18.63 bilyon na kita. Ang lotto ay kumita ng P6.8 bilyon, ang Digit games P5.1 bilyon, Small Town Lottery P5.8 bilyon, Keno sa P407 milyon, at instant sweepstakes sa P522 milyon. Hihihi!
Hayan mga kosa, tumaya na sa Lotto dahil milyones ang mapanalunan mo at ‘wag sa online sabong at e-sabong na karampot lang ang miuwi mo sa pamilya mo. Dipugaaaaaa! Abangan!
