MRT-Negros, Team Dasma, Basilan, palaban (Latest Sabong News)
Author
John Bryan Ulanday
Date
NOVEMBER 29 2021
LIPA CITY, Philippines — Hindi padadaig ang mga provincial teams na MRT-Negros, Team Dasma Monarchs at Basilan Steel Spikers Amin-Anak Mindanao kontra sa mga batikang clubs sa pangunguna ng paboritong Go For Gold-Air Force Aguilas sa pag-arangkada ng Champions League men’s tournament ngayon dito sa Aquamarine Recreational Center Gym sa Lipa, Batangas.
Sasalang sa main game sa alas-4 ng hapon ang Team Dasma Monarchs kontra sa Global Remit pagkatapos ng salpukang MRT-Negros at Sabong International Spikers sa alas-1:30 ng hapon.
Magpapambuno naman ang Go For Gold-Air Force at Manileño Spikers sa opening game ng bigating triple-header sa alas-10 ng umaga.
“I saw the progress of the team and they displayed great potential to win the title.” ani MRT-Negros team manager Andre Ea.
“This might be our first tournament as a volleyball club but our players were experienced so expect tough and exciting games from us. We will give our best in each game,” ani Steel Spikers manager Dr. Arnel Hajan, na siya ring PNVF vice president.
Pahinga muna ang Basilan Steel Spikers ngayon bago sumabak sa debut kontra sa Go For Gold bukas.
