CPADAO wa kauyon sa gihimo sa kapolisan sa Minglanilla (Latest Sabong News)
Author
Le Phyllis F. Antojado
Date
DECEMBER 29 2016
CEBU, Philippines - Usa ka matang sa pangabuso kung tinuod ang gihimo sa kapolisan sa Lungsod sa Minglanilla diin ilang gipanglista ang ilang nadakpan sa tigbakay sa listahan sa ilang natukhang.
Kini ang paghulagway sa pangulo sa Cebu Provincial Anti-Drug Abuse Office, Carmen Remedios Durano-Meca.
“Kay dili gyud ta uyon sa hinugaw nga trabaho. Ang atong katuyoan nga nisuporta ta sa atong kapolisan. Ang atong gusto nga limpyo nga trabaho,” matud ni Meca.
Si Meca nirekomendar nga angay imbestigaron ang maong taho sa kadagkuan sa Philippine National Police (PNP).
Matud niya nga kinahanglang adunay sistema nga ipatuman aron malikayan nga adunay buslot sa programa.
“Mao bitaw sa CPADAO sa program nato dapat naay system. Naa gyud dapat tay sistema una pa ta mobuhat (sa programa),” matud ni Meca.
Niadtong adlaw sa Pasko giingong dili mominus sa 80 ka tawo ang gisikop sa mga polis sa Minglanilla sa ilegal nga sabong sa manok.
Matud pa nga gilista isip mga drug surrenderers ang mga dinakpan.
Si Senior Supt. Rey Lyndon Lawas, deputy regional director for operations sa Police Regional Office-7, una na nga nipahibawo nga ilang ipa-imbestigar ang maong taho.
