Paldo ang mga may-ari ng sabungan sa pagbukas ng palarong sabong subalit ang gobyerno ni President Bongbong Marcos ay nganga. Ang dahilan? Halos lahat ng sabungan sa Pinas ay armado na ng camera at ito ang ginagamit ng mga may-ari ng sabungan para dugasin si BBM. Ang siste mga kosa, hindi pa malaman kung anong ahensiya ang puwedeng humabol sa camera sa mga sabungan dahil wala pang tasking si BBM.Dati-rati sa Philippine Amusement and Gaming Corporation nakaatang ang trabaho na ito kaya lang sa ngayon wala pang klarong mando si BBM. Ang gambling lord naman na si Charlie “Atong” Ang ay nagbukas ng kanyang World Pitmaster Cup (WPC) noong Nobyembre 5 sa Manila Arena gamit ang permit ng Games and Amusement Board (GAB).Ano ba Sir BBM ang ahensiya ng gobyerno na may karapatang humabol sa sabungan na may camera? Dipugaaaaa! Hehehe! Gising na Sir BBM! Mag helmet ka na at baka sandamakmak na bukol ang aabutin mo sa palarong sabong. Mismooooo!Kaya pinayagang magbukas ang sabong dahil medyo lumuwag na ang restriction ng DOH sa COVID-19. At ang kasunduan ay walang live-streaming ang palaro para maiwasan ang pag-babalik ng e-sabong. At ang tayaan ay nasa loob ng sabungan tulad ng kay Atong na may cashier sa loob ng Manila Arena. At ang para sa gobyerno ay five percent na mapupunta sa Bureau of Internal Revenue sa ma-register na taya sa cashier. Get’s n’yo mga kosa?Kaya lang napuna ng mga kosa ko na ang halos lahat ng sabungan sa buong Pinas ay may camera kung saan ang lahat ng sultada ay naka-record nila. Kung walang tayaan sa celfone dito sa Pinas saan napupunta ang live recording ng mga may-ari ng sabungan? Simple lang mga kosa! Ang kumakalat na balita, itong mga may-ari ng sabungan ay may betting station sa abroad, tulad ng Europe at Middle East, kung saan ang sabong ay malakas na tinatangkilik. Eh di wow!Siyempre, malaki ang kita ng mga may-ari ng sabungan galing sa abroad samantalang ang tayaan sa cashier ay kokonti dahil bawal gumamit ng celfone. Kaya hinagpis ang BIR sa sistemang ito. Dipugaaaaa! Hak hak hak!Tinanggihan ng gobyerno ni BBM ng P5 bilyon monthly sa e-sabong at ang pumalit ay kapiranggot lang. Luging-lugi ang gobyerno. Ano ba ‘yan? Walastik!Kailan pa kaya matatauhan si BBM sa pandaraya sa gobyerno niya nitong mga may-ari ng sabungan? Simple lang naman ang dapat niyang gagawin at walang iba kundi iutos sa PNP na kumpiskahin ang mga camera sa sabungan. Kapag nagawa niya ‘yun, hindi na siya pagtatawanan ng mga may-ari ng sabungan at maging halimbawa ito na hindi siya “weak” leader tulad ng pagkakilala sa kanya ni Tatay Digong. Araguuyyyyy! Tsk tsk tsk! Kilos na Sir BBM! Dipugaaaaa!At bakit nakakabingi ang katahimikan nina Senador Bato de la Rosa at Imee Marcos sa pagbabalik ng sabong?Abangan!
