Beteranong aktor na mailap, biglang naging masigla ang katawan dahil sa batang pag-ibig (Latest Sabong News)

Maraming nakakapansin na ibang-iba na ang ikot ng mundo ngayon ng isang simpatiko at veteran actor. Iba nga naman ang nagagawa ng pag-ibig. Ang beteranong aktor na dating hindi nakikisalamuha sa kanyang mga katrabaho at tahimik lang sa kanyang tent-dressing room ay bibung-bibo nang gumalaw ngayon. Hindi na siya pinangingilagan ng mga kasamahan niyang artista ngayon, hindi na rin siya mukhang suplado dahil napakamahal ng kanyang ngiti, binago ng pag-ibig ang ugali ng guwapong veteran actor. Kuwento ng aming impormante, “Mga dati na rin niyang nakakatrabaho ang production staff na kasamahan niya ngayon sa isang serye. Lahat sila, e, naninibago! “Dati kasi, e, humahanap pa sila ng tiyempo bago nila malapitan ang male personality. Naninimbang sila, palagi lang kasing tahimik ang veteran actor. “Mahirap nga namang manimbang, baka kasi alanganin ang lapit nila, magalit pa ang veteran star,” unang hirit ng aming source. Pero ngayon ay ibang-iba na ang guwapo pa ring male personality sa kabila ng kanyang pagkakaedad. Maliksi na siya, mukhang super-happy, palagi na siyang nakangiti. Patuloy ng aming source, “Gumagawa talaga ng milagro ang pag-ibig! Imagine, napakatagal niyang nabuhay nang mag-isa lang. ‘Yun ang time na nakakapagdalawang-isip siyang lapitan at kausapin. “Tiyempuhan lang talaga ang pakikipag-usap sa kanya dahil malungkot siya, mahilig siyang mapag-isa. Pero ngayon, siya na mismo ang lumalapit sa mga katrabaho niya! “Saka ibang-iba ang aura niya ngayon, palaging maaliwalas ang mukha niya, masiglang-masigla siya, hindi na siya iniiwasan ngayon ng mga co-stars niya! “Ano bang nagmumurang-kamias siya? Walang ganu’n sa pagmamahalan. Hindi problema ang age sa dalawang pusong nagkakaintindihan! Si male personality, palaging namumula ang hasang ngayon! “Ikaw na ang magkaroon ng karelasyong batambata, hindi ka ba naman pagbabaguhin ng pag-ibig? Para siyang manok na dating nakakulong lang na ngayon, e, palaging ipinanglalaban sa sabong ng nag-aalaga sa kanya! “’Yun ang dahilan kung bakit super-happy siya ngayon, para siyang magsasaka na palaging nagdidilig ng mga pananim niyang pechay, sa totoo lang!” parang kinikilig na pagtatapos ng aming impormante. Ubos! Busina sa amin ng kaibigan naming propesor na palaging nakatutok sa mga sinasabi at ginagawa ni Kris Aquino, “Heto na! She’s back! She broke her promise again! “She’s making her relationship public again despite her promise that she’ll keep the relationship just between them!” komento ni prop. Umaariba na naman kasi ang mga posts ni Kris sa kanyang IG account, sunud-sunod na naman ang pagbabahagi niya sa publiko tungkol sa mga ginagawa nila ng kanyang boyfriend na si dating Congressman Mel Sarmiento, hindi na naman siya tumupad sa kanyang pangako. Biniro namin si prop na dapat ay hindi na ito nagugulat, si Kris Aquino ang nangako, meron na bang pangakong napanindigan ang TV host? Saka nagmamahal siya ngayon, siya na mismo ang nagsabing dumating na rin sa wakas ang lalaking minamahal siya nang walang pailalim na agenda, hindi ba naman niya ipagmamalaki ang relasyon nila ni Mr. Sarmiento? May lumabas na silang interbyuhan na si Bimby na nga ang nag-host, inilabas niya na rin ang kuwento ng unang date nila sa isang food chain, ano pa ba ang hindi makakayang ilabas ni Kris? Siya ‘yun. Si Kris ‘yun, Para hindi tayo naiinis ay tanggapin na lang natin na ‘yun ang kanyang naturalesa. Mangangako siya pero pagkalipas lang nang ilang araw ay babawiin niya rin ‘yun. Ang naturalesa ay nakikinis lang pero hindi nagbabago. Kung ano ang kanyang nakasanayan na ay hinahanap ng kanyang isip at katawan. Nagmamahalan sila ngayon ni Mr. Sarmiento, magpapakasal na nga sila, ibigay na natin ang oportunidad na ito kay Kris. Iregalo na lang natin ang pagkakataong ito kay Kristeta, gusto lang naman niyang iparamdam sa atin kung gaano siya pinaliligaya ngayon ng kanyang karelasyon, nais lang ipaalam ni Kris kung gaano siya kaligaya ngayon pagkatapos niyang maging mag-isa lang sa loob nang mahabang panahon. Siguradong magbibigay rin ng reaksiyon ang aming tagasubaybay (loyal na loyal ito sa PSN) at anak-anakang si SOS. Piling-pili lang ang mga paksang inoopinyunan ni SOS, napakatotoo nito sa kanyang emosyon, kasali si Kris sa mga paboritong pitikin-purihin ni SOS.