Champions League groupings kasado na (Latest Sabong News)
Author
Chris Co
Date
NOVEMBER 01 2021
MANILA, Philippines — Kasado na ang pagdaraos ng Champions League sa Nobyembre 20 hanggang 25 sa isang bubble setup.
Masisilayan sa women’s division ang pitong koponan habang may pitong teams din sa men’s class.
Pamumunuan ng reigning Premier Volleyball League (PVL) Open Conference champion Chery Tiggo ang listahan ng mga kalahok sa women’s side.
Kasama ng Crossovers ang Philippine Superliga (PSL) All-Filipino Conference champion F2 Logistics, Sta. Lucia Lady Realtors at PetroGazz Angels.
Sasabak din ang Perlas Spikers, Baguio Highlanders at California Precision Sports.
Sa lumabas na grouping, nasa Pool A ang Cargo Movers, Highlanders at Perlas Spikers habang aariba naman sa Pool B ang Crossovers, Precision Sports, Lady Realtors at Gazz Angels.
Sa men’s division, papalo ang Basilan Peace Riders, Go For Gold Air Force Aguilas, Manileno Spikers, Global Remit, Sabong International Spikers, MRT-Negros at Team Dasma Monarchs.
Pasok sa Pool A ang Basilan Peace Riders, Go For Gold Air Force Aguilas at Manileno Spikers habang sasabak sa Pool B ang Global Remit, Global Remit, Sabong International Spikers at Team Dasma Monarchs.
Lalaruin ang men’s tournament mula Nobyembre 19 hanggang Disyembre 4.
Bago pumasok sa bubble, kailangang sumailalim ng lahat ng players, coaches at officials sa swab test upang masiguro na walang sinumang may coronavirus disease (COVID-19) ang makakapasok sa bubble.
