Nag-alima’g manok igtatari pabuhison (Latest Sabong News)
Author
Rene U. Borromeo
Date
MARCH 18 2013
CEBU, Philippines - Ang mga opisyal sa Barangay Apas ug Tejero nagtinguha karon nga pabayron na og buhis kadtong mga nag-alima og mga manok nga para panari.
Kini maoy gikauyonan sa mga opisyal sa Barangay Apas nga gipangulohan ni Kapitan Ramil Ayuman ug sa Tejero nga gipangulohan usab ni Kapitan Jessielou Cadungog.
Ang mga sakop sa Committee on Laws and Ordinances sa Konseho sa Dakbayan nga gipangulohan ni Konsehal Sisinio Andales wala’y pagsupak sa lakang sa mga opisyal sa Tejero.
Apan sa Barangay Apas, wala dayon moendosar ang komitiba ni Andales kay nasuta niya nga kuwang ang mga dukomento nga gisumiter niini didto sa iyang opisina.
Matud ni Andales nga katungod sa usa ka barangay ang pagkolekta og buhis sa mga negosyo nga gipahigayon sa ilang dapit, apil ang pagbuhi og mga manok nga aron ibaligya para sa sabong.
Gibutyag ni Andales nga ang maong lakang nasubay sa mga lagda nga gilatid sa Section 152 sa Local Government Code. Apan ang Barangay Apas wala makasukip og kopya sa dukomento kun aduna na ba’y public hearing nga nahimo sa ilang tinguha.
Kun kini mahinayon, daghang mga nagbuhi og manok nga para sabong sa duha ka barangay ang mapugos na pagbayad og buhis sa ilang patigayon
