Kaso ng missing sabungeros, puro imbestigasyon ‘alang action! (Latest Sabong News)
Author
Non Alquitran
Date
MARCH 13 2022
Walang mapapala ang mga kaanak ng 34 missing sabungeros dito sa puro imbestigasyon sa kaso na ginagawa ng gobyerno ni President Digong. Kulang sa aksiyon! Halatado na parang dini-delay ang kaso hanggang sa makalimutan na lang ito. Araguuyyyyy!
Kasi nga kahit saan mo tingnan itong kautusan ni Executive Secretary Salvador Medialdea na imbestigahan ng PNP at NBI ang kaso ay maaring maganda ang layunin niya subalit pampa-delay lang ito. Kasi nga iniimbestigahan na ng CIDG ang kaso ng missing sabungeros at sa katunayan ay handa na sila magsampa ng kaso laban sa mga suspects.
Subalit na-delay ng 30 days dahil ito ang palugit ng ibinigay ni Medialdea sa PNP at NBI. Dahil March 8 ibinaba ang memo ni Medialdea ibig sabihin n’yan sa April 8 din ang deadline. Eh halos isang buwan na lang ay election na kaya may peligro na mababaon sa limot ang kaso ng missing sabungeros dahil kasagsagan na ito ng kampanya. Dipugaaaaa! Hak hak hak! Hindi magkakaroon ng hustisya ang missing sabungeros sa administrasyon ni President Digong? Ano sa tingin n’yo mga kosa?
Inutusan din ni Medialdea si Pagcor chairwoman Andrea Domingo na alamin kung may nilabag itong mga may-ari ng e-sabong sa existing nilang agreement at kung may CCTV ang lahat ng cockpit arena na kanilang ginagamit. Hak hak hak! Puro imbestigasyon, puwede ba action naman? Ang pinakamatindi nito, tuloy lang ang operation ng e-sabong habang ongoing ang imbestigasyon. Hallelujahhhhh! Ano ba ‘yan? Mukhang masyadong malaking pitsa ang mawawala sa kaban ng gobyerno ni President Digong kapag nasuspende ang e-sabong ah, di ba mga kosa? Hak hak hak! Magmura ka naman, na kinaugalian mo, laban sa e-sabong President Digong Sir! Dipugaaaaa!
Maging si Sen. Bato dela Rosa, ang chairman ng Committee on Peace and Order and Illegal Drugs ay naipit din sa kaso ng missing sabungeros. Iginiit kasi ni Sir Bato na kinausap niya si President Digong sa Davao at pumayag ito sa rekomendasyon ng Senado na i-suspend muna ang e-sabong habang hindi pa klaro ang kaso ng missing sabungeros. Subalit iginiit ni Domingo, na ayon kay Medialdea wala namang sinasabi si President Digong patungkol sa suspension ng e-sabong. Nagalit si Sir Bato sa tinuran ni Domingo dahil nagmukhang sinungaling siya sa mata ng madlang people! Mismooooo! Get’s n’yo mga kosa? Hak hak hak! Kailangan pa bang i-memorize ‘yan? Dipugaaaaa!
Iginiit naman ni Domingo na hindi niya basta-basta masususpende ang e-sabong dahil may posibilidad na makasuhan siya ng ibang sangay ng gobyerno. At sayang din ang kinikita ng Pagcor na P640 milyon kada buwan. May nagkomento tuloy sa mga kosa ko na sa panahon ni President Digong mas importante ang pitsa kaysa buhay ng tao. Siyempre ang ginawang halimbawa ng mga kosa ko ay ang EJK sa kampanya laban sa droga. Uso talaga ang patayan sa administrasyon ni President Digong kaya malayo ang hustisya sa missing sabungeros. Abangan!
