Atong Ang, may panibagong delubyo sa buhay? (Latest Sabong News)
Author
Non Alquitran
Date
FEBRUARY 23 2022
MAY panibagong delubyo na dumating sa buhay ng negosyanteng si Charlie “Atong” Ang. Kung sa mga nakaraang delubyo hindi nagalusan man lang ang pagkatao ni Ang, dito kaya sa kaso ng 26 missing sabungero madudungisan siya? Ano sa tingin n’yo mga kosa? Kasi nga, hinikayat ni Criminal Investigation and Detection Group (CIDG) director Maj. Gen. Albert Ignatius Ferro si Ang na makipagtulungan sa imbestigasyon nila sa mga missing sabungero na huling nakita sa mga sabungan niya. Hiniling din ni Ferro na i-turnover sa mga imbestigador ng CIDG ang mga CCTV footages nang dumating itong sabungero sa sabungan, pati na ang pag-alis nila. Araguuyyyyyy!
Malaki kasi ang paniniwala ni Ferro na may maitulong itong CCTV footages para matukoy kung paano nakidnap o dinukot ang mga missing sabungero. Get’s n’yo mga kosa? Hak hak hak! Maraming CCTV footages ang ire-review ng CIDG investigators at maaring may makita silang ebidensiya rito, di ba mga kosa? Mismooooo! Dipugaaaaa!
Sina Ferro at Ang ay nagkita kung saan hiniling ng una sa huli na makipagtulungan sa imbestigasyon dahil sa malaki ang maitutulong nito para matukoy ang suspects sa kaso ng mga missing sabungero. Ayon sa mga kosa ko sa CIDG, may hawak na mga testigo ang mga imbestigador ni Ferro at maari na silang magsampa ng kaso sa susunod na mga araw. Hihintayin na lang natin mga kosa kung sinu-sino ang sasampahan ng kaso ng CIDG imbes na magturo-turo dahil baka sumemplang ako. Araguuyyyyyy! Dipugaaaaa!
Sina Partido Reporma standard-bearer Sen. Ping Lascon at ka-tandem na si Senate President Tito Sotto ay nais naman na imbestigahan ng Senado ang kaso ng mga missing sabungero. May katwiran sina Lacson at Sotto dahil hindi biro na 26 katao, isa rito ay buntis, ang mawala na parang bula, kahit lumalakas ang ugong na sangkot ang mga ito sa game-fixing sa online sabong.
Maging si Sen. Bato dela Rosa ay sumang-ayon sa isinusulong nina Lacson at Sotto na imbestigasyon sa missing sabungero. Kaya lang, hindi naman baguhan itong si Ang sa Senate hearing dahil ilang beses din itong sumalang doon noong mga nakaraang mga taon sa kasagsagan ng isyu patungkol sa jueteng, di ba mga kosa? Kaya lang, nilisan ni Atong ang Senado na walang galos. Hak hak hak! Sana hindi bodabil itong Senate hearing sa missing sabungero. Araguuyyyyy! Ano sey n’yo mga kosa kong sabong afficionado? Dipugaaaaa!
Maliban sa imbestigasyon ng CIDG, at hearing sa Senado, nakisawsaw na rin ang Commission on Human Rights (CHR) sa kaso ng missing sabungero. Kaya’t sabay-sabay itong tatlong delubyo na tatama kay Ang pag nagkataon, di ba mga kosa? Araykupooooo! Kung sabagay, sisiw lang kay Ang ang mga problemang ito kung ang mga kasong naharap n’ya noong nakaraang mga administrasyon ang gagawing basehan. Mismooooo!
Mabilis namang nakatayo si Ang matapos ang nakaraang delubyo at sa katunayan lumago pa ang mga negosyo na online at e-sabong na bilyones ang iniakyat sa bulsa n’ya. Hak hak hak! Kaya marami ang pumupusta sa mga kosa ko na kaya ni Ang na alpasan itong bagong delubyo sa buhay n’ya. Tumpak! Hihihi! Sino si Julius “John” Cahilis y Bodabil? Abangan!
